Sagardotegiak

Horiek bezain ohikoak dira gure gastronomi elkarteak. Irun eta Hondarribiko hirigune historikoetan daude elkarte eta kofradia gehienak. Benetako gastronomi santutegi dira horiek, bazkideek osatuak. Bazkideak gizonezkoak izaten dira gehienetan, elkarte horietan biltzen dira bazkariak eta afariak egiteko, eta berek prestatzen dute janaria.

Bazkari eder baten aurretik gosea pizteko, pintxo ezin hobeak aurkituko dituzu Irun, Hondarribia eta Hendaian. Pintxo horiek tabernetako barretan jartzen dituzte, kolore anitzeko alfonbra bailiran. Barra askotako protagonista bilakatu da egile sukaldaritza, produktuaren jatorrizko zaporea errespetatuz eta bikain aurkeztuak. Pintxoak bikainak dira, miniaturan eginak, eta beti izaten da zaila lehenengoa aukeratzen eta are zailagoa, berriz, azkena aukeratzea.

Gozogintzak ere garrantzi handia du euskal gastronomi tradizionalean, eta guztiz loturik egon zen Bidasoako artzain eta arrantzaleen bizi eta dietarekin. Postre horietako askoren aberastasuna berreskuratu da gaur egun maila handiko sukaldaritzan. Hiru mendetan zehar, Irunek bere txokolate tradizioari eutsi dio eta gaur egun oraindik geratzen dira artisau tradizio handiko eta bertan eginiko bonboiak.