Aisia
Aisiarako gida
Hainbat atalez osatua dago. Hasteko, gure hiru hirietan interes historiko handiena duten lekuak aurkezten dira, esate baterako, Hendaiako Abbadia gaztelua eta eremua, Hondarribiko hirigune historikoa eta esparru harresiduna, edo Oiasso erromatar museoa Irunen.
Gure eskualdearen ingurumen kalitateari dagokionean, gidaren sail batean gure inguruan dauden bide eta ibilbideen aukera handia agertzen da, mendi ibilaldiak maite dituztenek edo zikloturistek horietan goza dezaten Txingudi Badiaren inguruan edo aldameneko mendietan.
Datu zehatzagoetan sarturik, hiru hirietan eskaintzen diren jarduera guztiak xehe azaltzen dira, kultur ekipamendu eta aisiarako azpiegiturei dagokienean, edo gure bisitarientzako kirol eta aisiarako jarduerei begira.
Azkenik, gida hau osatzeko, Irun, Hondarribia eta Hendaia, Bidasoa-Txingudi Mugaz Gaindiko Partzuergoa osatzen duten hiru hirietan urtean zehar antolatzen diren interes bereziko ekitaldiak azaltzen dira.
