Urdanibiako Sebastian jaunak eskatuta arkitekto italiar batek eraiki zuen jauregi hau, 1612. urtean, antzina dorretxe bat zegoen leku berean.
Berpizkundeko estiloaren araberako jauregi honen fatxada silarriz egina da, bi armarri aurkezten ditu eta hauetako bat Arantzate etxeari dagokio. Armarri honetan dorretxea sutan ageri da, 1476an gipuzkoarrek frantsesen aurka erdietsi zuten garaipenaren oroigarri.
Aipatutako gudu horretan, San Juan Harria plazan zegoen Arantzate dorretxean babestu ziren frantsesak eta dorretxearen jabeak, Pedro de Urdanibiak, su eman zion etxeari eta hil egin ziren jauregian babes hartu zuten 120 soldadu frantses. Jauregia Gipuzkoako Monumentu Historiko-Artistiko izendatu zuten. Jauregiaz gainera, aipagarri dira bertako ola eta errota.
Ze bisitatu
Zer egin
Non lo egin
Non jan